五月 2021 - 小藍筆記

[恒生] 利苑糭券

恒生琴日打電話嚟話留咗張糭券俾我，話大概會用15分鐘時間左右，問我得唔得閒過嚟分行聽吓。都估到佢實會比下投資意見㗎啦，當散步過去聽吓佢講嘢。繼續閱讀「[恒生] 利苑糭券」

身處於2021年嘅2月，冇諗過大新360出糧戶口嘅息口真係可以變得咁低⋯⋯當然係受大環境影響啦，但都對大新好失望囉⋯⋯由於大新出糧戶口收入大減，就唯有麻煩少少，玩多個渣打紅利出糧戶口。

渣打銀行戶口本身就不嬲都有，雖然之前為咗份工cut咗個渣打證券戶口（[證券戶口] 銀行戶口實太多，證券戶口整合無難度），最新係上年用咗渣打嚟借錢裝修。首先係打去渣打問吓佢，我個戶口入面仲有冇active嘅出糧戶口。如果冇嘅話，咁我就可以符合迎新優惠嘅要求。

「只適用於客戶開立出糧戶口日期前12個月內未曾使用自動轉賬出糧服務」

2021年3月更新：

講返上年五月開嘅星展戶口：響2020年10月20號，就收到左港幣$500新客戶現金獎賞、港幣$4500 特別資金獎賞、港幣$1000交易獎賞。

再響2021年1月19號，收埋港幣$800開戶額外獎賞。總共收咗$6800 然後又可以睇吓邊間銀行開戶有新優惠啦，耶。繼續閱讀「[星展閉戶] 又到過冷河時期」

今日去恒生開個戶口做罐仔（罐仔係咩黎），將星展嘅錢搬過嚟（星展開戶）。

期間限定: 2021年1月1日至3月31日 （更新：延長咗啦）

由於公司有限制，所以我淨係可以選擇唔使捆綁式開證券戶口嘅銀行。明明東亞嘅開戶都好吸引但係最衰佢捆綁我一定要開證券戶口⋯⋯咁所以市面上剩返可供選擇嘅銀行唔多⋯⋯ 繼續閱讀「[恒生開戶] 港幣一百萬就咁放到七月就有HK$2,000！」

其實都已經玩咗大新360出糧戶口大大話話差唔多四、五年，身處於2021年嘅2月，冇諗過佢嘅息口真係可以變得咁低⋯⋯當然係受大環境影響啦，但都對佢好失望囉⋯⋯雖則係咁但我仍然有續約，重新登記360出糧服務。

回顧：（20200710更新：市面銀行水浸，港元一年定期做緊0.3%，大新1.6%活期息完全跑贏大市，好彩當初簽到2021年1月31日，亦即係當初同銀行對賭，而家賭贏咗）

期間限定: 2021年2月1日至3月31日
額外活期存款利率優惠：up to 2022年1月31日繼續閱讀「[理財類] 大新360出糧戶口 – 每月派最多$1,000活期利息 – 2021」

有日臀部痕癢，download HKBN個app黎玩，一打開就見到會員免費送金拱門黑糯米批，冇任何附加費，淨係需要redeem。

金拱門本身就唔想食㗎啦，但如果係免費嘅，唔拎就等於負債，所以動物沖去拎。

早期YUU興起嘅時候，每間萬寧入播夜播洗腦神曲，我都唔記得咗點解鬼暗眼地張恒生信用卡（平時要黎找其他卡嘅卡數），掛住落去YUU嘅戶口。

然後有一日同小寶響尖沙咀小店食和牛嘅時候，店員問我哋有冇恒生信用卡，然後仲話可以用YUU嚟儲分有唔知幾倍積分，咁我不容有詐就即刻登記。店員仲係咁講佢話個YUU戶口入邊有成幾十蚊，可以食餐飯啦。繼續閱讀「[迎新優惠] YUU」