孕期間，聽過唔少案例因自己私下進補，導致個胎超重。由於懷孕頭三四個月，一直都係處於無胃口，只係用小米粥配梳打餅去維生果腹，體重仲一路跌到去結婚果一刻咁極端，所以一直都唔覺得超重會係我嘅Concern。
突然有一日開始，終於食得返野，就變得咩都好想食，乜嘢調味料都好想落。但一食就好容易過重，醫生話一個星期最好唔好重超過0.5公斤，但我有一日就已經重咗0.5公斤⋯⋯然後就會有啲惡魔朋友，係你身邊講咩一個人食養兩個人，計埋羊水都唔係好重啫⋯⋯
自從經歷過爆肥嘅一刻，明明5個月(20wk)嘅胎，已經重到6個月(24wk)嘅重量，就一直唔知點樣可以控制飲食。學術上就梗係叫你食少啲澱粉質（飯），食多啲蛋白質（肉）同纖維（菜）。但我最高峰期既肚餓感，係食完一碗飯之後，仲要夾薯仔同蕃薯，要食晒先和緩到肚餓嘅感覺。
傳送門：孕期 – 飲食
後尾睇到原來飲滴雞精係會長胎唔長肉，所以就開始研究邊隻品牌會好啲。
滴雞精：冇加水；雞湯：將雞連水煲成湯；熬雞精：有加水
滴雞精主要有分為，用土雞 （走地雞）、90日少爺雞或12-18個月老母雞。土雞激素脂肪少；如果乳房發脹但係冇奶，就唔可以食少爺雞；有人就話老母雞因為比較年長所以有雌激素，會抑制催乳素仲可能會回奶添；有人又話進補係要用傳統老母雞，蛋白質含量高⋯⋯中醫就話公雞會燥、母雞温補、平補要用烏雞⋯⋯
蛋白質
王朝：8.1 g/100ml (但卡路里係咁多個品牌中最高嘅)
田原香：6.2
白蘭氏：7.3 g/100ml
余仁生：6.4 g/100ml
御藥堂：5.5 g/100ml
少爺：8 g/100ml
鴻福堂: 5.2 g/100ml
作為冇加水嘅滴雞精，無脂肪冇膽固醇、唔加水、密封包裝係基本。每100 g嘅納含量唔應該超過100mg。
納
王朝：83mg/100ml
田原香：85mg/100ml
余仁生：81mg/100ml
鴻福堂:80mg/100ml
御藥堂：55 mg/100ml
王朝獲香港醫護學會推薦；田園香就有台灣衛生局認證
患有痛風、高血壓、腎病嘅媽媽，要諮詢左醫生意見先可以飲用。