繼上回提要，加入左一大堆唔同類型嘅媽媽會。
然後收到一大堆唔同類型嘅贈品返嚟，一開始完全唔識點樣處理，用返返工嘅技巧，先分類再入Excel⋯⋯用得嘅就留返，未用得嘅就買出去，再結合孕後期嘅購物清單，就可以買少好多嘢。
媽媽奶粉
人哋話如果響食療補充到足夠嘅營養，就唔需要飲媽媽奶，因為飲媽媽奶真係好肥。由於我頭三四個月嘅體重係一路向下急降，所以我都懷疑究竟隻野夠唔夠營養，反正又拎到媽媽奶嘅贈品，咁響第四個月嘅時候就有間竭性地飲下媽媽奶，點知就發現第五六個月體重急升（咁都唔一定關媽媽奶事嘅，果段時間餓咗幾個月，我真係好似餓鬼投胎咁，係澱粉質嘅嘢都想擺入口）。之後就轉投入滴雞精嘅懷抱，好似話會長胎又唔長媽媽嘅肉。滴雞精嘅比較
- 雅培媽媽奶ok，試用裝，味道容易入口啲。之後仲用咗一張贈品券佢拎咗一罐返嚟飲。
- 美素佳兒Friso媽媽奶ok，試用裝有5包，騷啲甜啲，飲完就算。
- 美贊臣，試用裝一包，又酸又臭，飲到一半已經好想倒咗佢。
天然上奶精華飲，真係唔知咩嚟嘅，最後買咗出去。
奶粉
奶袋試用裝
尿片
一開始就已經將尿片類別嘅媽媽會，放到去最後先至申請。因為諗住如果太早申請，佢啲贈品太早寄過嚟，因為冇位擺，二黎可能會受潮。所以就算睇咗幾次BB展，都冇現場加入尿片類別嘅媽媽會。
紗巾
大部份紗巾都係響BB展之後嘅灣仔天橋度攞，仲有啲就係健康院門口嘅姐姐派。前後有成14條，其實都算係幾實用。因為BB紗巾好似要準備起碼20幾條，一條沖涼抹面一條抹pat pat，陣間又抹下口水、奶漬，好快用晒。
口水肩
大部份都係健康院門口姐姐派嘅。
家居用品
進食排便紀錄白板仔
嬰兒指甲鉗，好似係新寶Healthbaby臍帶血線上講座嘅時候答啱問題送嘅。
清潔棉
尿墊，有啲似淘寶買嘅防漏M墊。呢個真係好抵。
奶樽袋。呢個好好笑，明明係惠氏媽媽會送嘅，而我響三月嘅時候已經入咗會，又已經收到惠氏嘅禮物袋。見到朋友用過呢個奶樽袋帶出街好好用，但又唔見惠氏媽媽會送俾我，搞到我響Carousell用$20買咗一個返嚟。點知佢成六月先至寄一份俾我，搞到又要放返出去。
有啲似比貓捐火車窿嘅圈圈
幾合一牛牛箍臣被、牛牛背囊、牛牛座椅
熊仔包被
針卡袋
仲有熊仔環保購物袋，仲有健康院送嘅一個布袋仔
多功能三角枕
美贊臣寶寶多功能防水斗篷
美贊臣充氣學習座椅
美贊臣四合一多功能護理遮蓋布
護膚、消毒類
玩具類
教學類
Coupon類
基本上我用唔着嘅coupon全部都放咗響Carousell度賣，通常$12包郵咁樣賣。到時要知道用邊個牌子嘅時候，先至再上Carousell 去買coupon。
九唔搭八類 – 口罩袋
分唔到類
包括左去完媽媽展嘅戰利品。惠氏嘅禮品裝。唔知點解仲有Clarins嘅禮品裝。
