Ritz-Carlton 麗思卡爾頓 – 堅離地食玩瞓系列 – 晚餐

上回提要，為咗慶祝我生日，小寶今年好豪邁地帶我去Ritz-Carlton 麗思卡爾頓過咗兩日一夜。離地到食在102F，離地到瞓在111F、離地到遊在118F。

Ritz-Carlton全系列

我仲記得小寶問，如果放工先check-in，會唔會好趕？我諗住夜晚都係去酒店食餐飯，然後瞓覺，第二日先玩㗎啦，咁所以都冇乜嘢啊。天真。點知工作嘅嘢，永遠都係你越想準時收工，就會有更多嘅嘢拖住你。

一收工就沖去搭東涌線。嚟到九龍站搭你哋嘅電梯上到百幾樓，沿途我都吞左幾時口水，真係離地到一個點。唔知係因為耳嗚，定係放工太攰，成晚同小寶都好似聽唔到大家講乜嘢咁。例如：我係行動派㗎嘛，聽咗做，我係喉嚨痛㗎嘛。究竟呢份係火箭菜定水箭菜？

依家上房放低行李就即刻動物沖去食晚餐。一黎到102F嘅餐廳，梗係食咗景先啦。係呀我啱啱就響對面海過嚟㗎啦。

不枉係酒店級嘅服務，因為我已經用晒消毒濕紙巾，侍應哥哥直接拎咗一疊俾我。

室內餐廳嘅光柱、窗外西隧嘅入口。

先來菜單嘅第一道菜：有機蕃茄、水牛芝士、火箭菜、意大利香醋或牛油果蟹肉芒果莎莎層層塔配牛油麵包。

主菜可以選擇安格斯肉眼扒(280g)或煎鱸魚配蜆，我同小寶都諗過如果兩個都嗌牛會唔會太Heavy，但係我又擔心食魚唔夠飽，真係無論響澳洲定紐西蘭，食親西餐我都會有呢一個煩惱。由於嗰日返工實在太攰，所以兩個都要左肉眼扒。肉眼扒仲可以選擇蛋黃牛油醬或黑椒汁或巴黎牛油，咁特別我梗係揀巴黎牛油。點知我哋又再一次天真左低估左280克嘅份量。仲要不自量力選擇配菜係炸番薯條，特別過薯條呀嘛。

然後一路食、一路食，超飽。牛扒有牛味，但口感偏向油膩，原來我都係鍾意後設嘅有牛味嘅牛柳多啲。仲要炸番薯條裏面混入左一條間諜！

最後甜品可以選擇Ritz-Carlton橙酒朱古力蛋糕(RC Signature chocolate cake)或藍莓芝士蛋糕，我同小寶選擇咗各一。

唔好意思對於佢嘅signature cake，真係唔係太識欣賞，我覺得佢嘅技術係勁嘅，可以將酒店嘅氣味融入去佢嘅蛋糕入邊。嗰一舊橙味朱古力蛋糕聞落去居然似的士嘅味道，其實都幾嘔心。

反而佢嘅藍莓芝士蛋糕食落唔膩，俾佢嘅signautre cake更出色，伴碟上面嘅係番石榴雪芭，酸到喊，要黎解肥膩一流。

比多個特寫佢。

然後醉生夢死咁食完，真係太飽，要周圍流連一下去消化。走咗落去人哋食自助餐嘅餐廳，去純粹參觀一下。明明食到咁飽，究竟點解要去呢種消化嘅散步景點。