Ritz-Carlton 麗思卡爾頓 – 堅離地食玩瞓系列 – 早餐

上回提要，為咗慶祝我生日，小寶今年好豪邁地帶我去Ritz-Carlton 麗思卡爾頓過咗兩日一夜。離地到食在102F，離地到瞓在111F、離地到遊在118F。

Ritz-Carlton全系列

響111F訓左離地嘅一晚，係時候又要去返食晚餐嘅餐廳度，食個早餐。請問呢隻顏色嘅welcome board係做乜鬼，都話我唔識藝術㗎啦。又見番琴晚嗰條光柱，日光同夜光嘅比較。

今日嘅維港好多船，天氣好好，望住黎食早餐太奢侈。

自助早餐

拎左雞粥，加肉鬆、加蔥、加脆脆，咩都要多。要奄列，咩餡料都要。又追加燕麥粥。炸雞好乾，比個樣呃咗。講到食物嘅質素，就唔夠港島香格里拉嚟，但始終呢一間餐廳離地啲，可能要運送好味嘅嘢食上嚟咁高，係有成本掛。又或者係人哋話搭飛機嘅時候，味覺會遲鈍咗，唔通係因為我哋食得太高？

咁chill嘅環境，小寶要咗cold plate冷萃咖啡，我就飲Flat white，chill chill chill。