Ritz-Carlton 麗思卡爾頓 – 堅離地食玩瞓系列 – 房外

上回提要，為咗慶祝我生日，小寶今年好豪邁地帶我去Ritz-Carlton 麗思卡爾頓過咗兩日一夜。離地到食在102F，離地到瞓在111F、離地到遊在118F。

Ritz-Carlton全系列

本身響搭lift上黎嘅時候，耳鳴要吞五六次口水，tension就已經好高。耳仔差咗，成餐晚飯不停重複對方講嘅嘢。lift口大堂、lift入面、酒店範圍全部都係雲石，仲要係追紋嘅雲石，好多細節位全部都係對稱嘅，我都用咗啲時間嚟欣賞對稱美。

某程度上都真係幾喪心病狂，輕度強迫症病患表示很開心。

房間出面走廊，藝術嘅嘢，我真係識條毛咩。

Check out嘅時候，我哋將行李放響RC嘅禮賓部，然後見到職員將我哋嘅行李拉咗入去呢一塊黑色板入邊，自行間房又幾OK喎。

我都唔記得咗影嚟做乜，可能係個大堂太冠冕堂皇，連條紋都豐富左我藝術細胞。