Ritz-Carlton 麗思卡爾頓 – 堅離地食玩瞓系列 – 圓方Elements

上回提要，為咗慶祝我生日，小寶今年好豪邁地帶我去Ritz-Carlton 麗思卡爾頓過咗兩日一夜。離地到食在102F，離地到瞓在111F、離地到遊在118F。

Ritz-Carlton全系列

響118F嘅泳池游水同浸490 m above sea level 嘅jacuzzi，人生記錄達成！話咁快又到check out嘅時間。退房時間Extend 到 1400-1500，所以我地放低行李響禮賓部。

本身諗住去西九公園，但係目測咗一陣，講緊來回要個幾鐘。

最後都係走咗去行圓方、九龍站嘅空中花園，兩隻懶鬼XD

喺呢個場我哋仲見到有新晉記者做網台直播添。

你睇吓喺出邊望返百幾樓嘅泳池係幾咁高、幾咁恐怖。我仍然都好記得曾經聽電台定電視講過，住得凱旋門條果幾棟嘅人命格一定要夠硬，條命唔夠帝皇級係唔應該住入去。果然由下以上遠眺一陣，我就見頭暈，真係冇鬼用。

見到佢廣場嘅路牌後邊塊板好似就嚟甩出嚟咁。研究咗好耐，真係好無聊。

然後喺圓方360食咗個下午茶刺身，完美嘅完結灑花。然後仲見到星加坡學校巴士喺圓方接送返學。