作為知慳識儉嘅小師奶，除咗我用小號label紙去貼落護膚品，提醒自己係由邊個月份打開使用，仲會經常性留返用完嘅sample小罐罐。善用標籤打印機（[文青] 生活態度 – 標籤打印機）或者屋企應該會有嘅小號label紙，護膚品箱都可以變成檔案庫，同財務自由招財表一樣，一目了然啦。
再喪心病狂多啲，我會將啲好難再泵出嚟嘅小罐贈品，倒轉到返落去中罐罐，實行「唔好蝕俾佢」嘅病態心態！
所以係屋企成日都會出現呢一幕（呢幾支係雪花秀嘅試用裝，係其中一份親友送嘅結婚禮物）（我仲有個小漏斗），但係倒完出嚟成日都唔記得左係咩嚟嘅⋯⋯初老症嘅表現⋯⋯所以就會用label紙寫返1234，直到用完為止⋯⋯
