今年有幸響友人屋企食過北海道石狩川大閘蟹，原來又唔貴又多膏！仲要好易整！
多謝寶達，先至可以足不出戶可以買到北海道嘅大閘蟹，仲要港九新界都有唔同門市可以響現場睇貨，由佢嘅官網仲可以知道大閘蟹嘅小知識。
真係咁大個人先知道，原來公蟹嘅蟹黃係呈啫喱狀，入口幼滑。而蟹乸嘅蟹膏係好似鹹蛋黃咁結實嘅，蟹黃味濃。蟹嘅size分大中細，大嘅5-6両；中嘅4-5両；細嘅3-4両。
喺佢官網度，每幾個鐘會更新一次供貨數量，可以見到公蟹嘅銷量強勁，大公成日都缺貨。亦都問過客服如果想邊一日拎到新鮮嘅蟹，只需要前一日下午五點前落單（當然落單嘅時候要仲有貨啦），咁就可以保證有貨，開心。
我哋都係心急人上，所以提早咗三四日落單，一蚊都無比過，然後預約咗星期六拎蟹。由於門市數量多，所以行去門市都好方便，拎貨當日去到門市佢會直接響雪櫃入邊提取我哋想要嘅六隻大公，隻蟹雖然凍到暈左，仲係生勾勾架。
寶達唔會免費提供紫蘇葉，但可以$10買一包，對於六隻大公來講，夠用有突。
拎到返屋企就放住喺雪櫃先，將隻蟹打平放，再用條濕毛巾（我用咗廚房濕紙巾）幫佢冚被，百佳見到嘅蟹櫃一樣。
然後到煮食前，拎佢出嚟，浸落冰水15分鐘，好似係想浸暈佢。但可惜當日雪櫃整唔切冰，我哋就咁放咗落凍水，然後放返入雪櫃。點知其中有一隻大公，可能溫度同北海道嘅海水差唔多，好生猛地掙扎開黎，響個雪櫃度爬來爬去⋯⋯
多得長輩出手，將走甩咗嘅蟹仔五花大綁。準備入獲啦！
隔水蒸佢20分鐘，有人話紫蘇葉要放喺隻蟹下便，又有聽過話要將紫蘇葉鋪響隻蟹蓋上邊，再喪心病狂啲咁不如攞紫蘇葉包住隻蟹嚟蒸囉。就這樣，就食得啦。
各位女士們，享用之前最緊要要剪走蟹鰓、蟹胃、蟹心，避免過分寒涼。其實我全部都有做足，可能個人身子太潺弱，食完一隻個胃就開始寒寒地。以前細個以為係唔消化，依家就知道係寒涼得滯。已經煲咗大片大片薑嘅紅糖水，飲完都仲係唔係好舒服。仍然都係大飯糖嘅番薯糖水，夠堅揪，兩啖落肚，即刻乜嘢寒都驅晒。