現兜兜，用幾多，第二日就回返幾多。
事緣係20年5月28日我收到Amex嘅推廣電郵⋯⋯
雖然有人話你$2,000現金回贈其實係扣減$7,800年費，但當初年費其實已經有Miles落咗袋，所以我當$2,000係額外嘅回贈嚟㗎啦。咁細頭都要氹住你，雖然冇得飛，但都要留住個客㗎。
雖然回贈左$2,000，但唔想突然有額外嘅花費，所以一路keep住用響百佳同Deliveroo。每次響百佳碌完卡，我一日或者兩日就會即刻回贈，都真係幾爽。終於我喺八月尾之前，終於成功用晒$2,000啦。
咁你見到啦，我信用卡嘅使用方式就係，有得碌卡嘅時候我就會碌卡，就算佢平到$5（除咗今次都幾多回贈幾多之外，其實有一張信用卡係$5都可以有回贈，唔係下下都要碌卡$250先至會有積分），只要係應使則使，唔好亂咁買唔等洗嘅嘢，咁樣先係慳家小能手。
2021年1月21號：收到Amex Send黎嘅email，又有港幣$2500嘅回贈啦。又可以去誠哥嘅百佳度拎Amex送嘅禮物啦，今次嘅回贈可以用到2021年7月18號。
