以前好驚髮尾油，剪完頭髮髮型屋話要幫我搽油，我都是拒絕的。第一支擁有嘅摩洛哥護髮油細細裝25ml係朋友送嘅，可能係因為大家都睇唔過眼我頭上堆雜草，所以有人送，唔用又會嘥晒，所以先狠下心腸試一試。
仲好記得結婚當日化妝師話，我已經幫你落咗三次髮尾油喇，你睇吓我而家隻手又乾曬啦，你啲頭髮食油㗎⋯⋯Sorry，係我唔啱，我太dry⋯⋯
細細支25ml，每次用都要拎開個蓋。響洗完頭，吹頭到吹一半，頭髮仲要係半濕嘅情況就要查上去，倒大概五毫子size出嚟搽落髮尾。就算要用手掌搽落頭髮度，搽完隻手滑溜溜，唔係講笑，如果唔係護髮油價格都有啲高，我會用佢當全身body oil黎用。用晒支細細支之後，直接買左100 ml泵裝，唔使拎開個蓋，方便吹頭吹到一半直接泵一下出嚟用，搽完落頭髮，隻手掌即刻用風筒，都唔會油，不得了。
100ml裝喺5月開嘅，而家8月，先用左6份1，不過可能我唔係晚晚用，會come用啲。貨裝size有25ml, 50ml, 100ml (有泵裝、無泵裝), 200ml（雖然佢係最慳，但係我萬用箱擺唔落）。我就諗住如果用晒100 ml，之後就買100 ml冇泵裝，然後換返個泵落去。
HKTVmall有賣，HKD85/25ml ($3.4/ml)，HKD145/50ml ($2.9/ml)，HKD240/100ml ($2.4/ml)，HKD348/200ml ($1.74/ml)。