有一日臀部痕癢、心血來潮想食蛋。浪費食材系列。
屋企剩低嘅一片方包，響雪櫃拎咗四隻蛋，將蛋白蛋黃分離，可惜屋企搵唔到保特瓶吸蛋黃。
然後搵咗部打蛋機出嚟，將蛋白打到企身起勾。焗爐盤放牛油紙或者錫紙，查少量牛油，再將蛋白雲用匙羹放好形狀，中間位置要整個凹位放蛋黃，凹位邊緣要夠企身先至hold得住個蛋黃，凹位太深就會穿底，變火山爆蛋。唔使放蛋黃住，因為蛋白未夠實淨。
我響查咗牛油嘅錫紙上面放晒所有蛋白，然後小寶問，呢塊方包想點XDDDDDDDD唯有畢返起一份，將佢遷徙落方包XDDDD完全唔記得咗塊方包。
將蛋白雲放入已經預熱嘅焗爐，200度，焗3分鐘。
3分鐘之後蛋白應該夠企身，再用匙羹放返隻蛋黃上去，再入焗爐，200度，焗5分鐘。
出爐。灑上適量黑胡椒、鹽。完成。
火山爆發果邊，充滿空氣嘅味道。焦香嘅蛋黃其實幾好食。
多士上面流心嘅感覺，好似班尼迪蛋(Egg Benedict)咁！