自從試過用HABA SQUA Q10上臉就返唔到轉頭，所以就不如試試佢皇牌product G-Lotion，好似話日本皇室都係用呢一個牌子。
所屬次序：洗臉 > 爽膚水 > 精華 > 護膚油 > 防曬 > 粉底液 > 碎粉
一開始用試用裝嘅時候，覺得它好似水一樣，勁驚嘥左錢（係優惠套裝買嘅試用裝），買都買左啦，咁唯有繼續用落去啦。但用左幾個星期（係呀，試用裝都用到幾個星期），皮膚又真係好左喎，咁就超越期待地達到一支toner嘅目的，咁就最好不過啦，耶。
180ml裝喺2020年5月開嘅，而家8月中，小寶仲要日日夜夜爭住一齊用，宜家都仲用剩5份1。9月尾啦，仲未用曬⋯⋯咁㩒用架咩。
價錢唔記得囉，見到HKTVmall有得賣，HKD189/180ml。再唔係就齊齊連埋HABA SQUA Q10一齊團購買番黎。
2021年5月
staycation住開sogo樓上嘅sheraton，然後出入係咁經過SOGO，所以響感謝祭忍唔住入咗坑。2枝180ml G-lotion ($438)，1枝Q10，1枝Squalane II ($208)。仲送咗啲洗面sample同一支就嚟過期嘅Squalane II。
Squalane II呢隻第二代嘅油嚟嘅植物提煉出嚟嘅，沖完涼洗完面之後呢就滴一至兩滴就可以㗎啦。就試吓佢同Q10有咩分別。因為係贈品，個sales話10月到期。
2021年5月，開咗一支新嘅。用到2021年嘅7月，由於完全唔慳住使，使用量急增導致7月已經差唔多用晒啦。暴發戶就係咁樣。