初試鰹魚汁流心蛋，無過冷河好難剝殼。#像極了愛情
唔好煮熟隻雞蛋，浸落鰹魚汁，完。#一行食譜流
事緣有一日小寶好想食流心蛋，我谷歌一下，其實都唔係好難啫，預先準備一支日式鰹魚汁就成事。小寶買咗支濃縮版鰹魚汁返屋企，再拎屋企現成嘅日本雞蛋。
原來日本雞蛋嘅製作過程嚴謹度係比我哋想像中高好多，由於日本雞蛋蛋黃係偏橙黃（完美嘅成色），如果提供比店家整海綿蛋糕嘅雞蛋黃，就需要響雞飼料落功夫，唔記得係加減啲紅椒黎喂雞，認真嘅日本匠人真厲害。
煲滾水，差唔多起氣泡落蛋，計時。3分鐘嘅時候要搞搞啲蛋，等蛋黃去番中間。6分15秒起第1隻，6分半起既第8隻就已經熟左d。
相關閱讀推薦：[中銀] 為郵寄銀行結單而保留的中國銀行戶口
由於支鰹魚汁係濃縮版，睇完將上面嘅簡介都唔知道要開幾多比例。料理嘅嘢就梗係隨心啦，我哋先落左一比二，見色水有啲淡，著兩又加多左啲⋯⋯然後備用。
對住半熟嘅雞蛋，小寶叫我唔好浸冰水☺️應該係佢好享受同我一齊剝蛋殼嘅過程🙆🏻♀️係愛呀。由於冇過到冷河，蛋衣同蛋白一直相親相愛，剝蛋殼剝到懷疑人生⋯⋯
食譜話要浸過夜，我哋浸左六個鐘，其實都已經有味～
向面書一出post，就釣出一堆大廚，當貼士放埋響度：
- D蛋煲之前浸一陣水變返室溫先煲就易剝
- 用冰水過（冷河）最安心
- 用大頭釘拮左蛋殼先，就好易剝
- 12蚊店煮蛋神器，都幾準確
支鰹魚汁除咗隻流心蛋，仲可以要嚟加落烏冬、米粉，咁就好似去咗日本食野咁⋯⋯