曾經經歷一個時期，因為工作壓力大而爛面，就算用clinique皇牌都無幫助。又試過用organic紫草膏⋯⋯又試過咩都唔用，清水洗面但滿面油光⋯⋯塊面又腫又痛，果段日子真的很黑暗⋯⋯角鯊烷聽過好多次，幾間美容院都會sell佢黎保濕修護用，但價值不菲，小資女孩用唔起。
然後搵到佢，HABA SQUA Q10，聲稱係無添加，角鯊烷成份。品牌聲稱孕婦都用得，咁應該真係幾天然掛。滴出嚟咩味都冇，上手唔黏唔立，good des！雖然最後塊爛臉唔係靠佢好番（最主要係靠裸辭），但佢係唯一一隻，當時就算用上傷口都唔會那皮膚嘅產品，所以緊係要保留佢向萬用箱嘅地位。
滴出黎係咁嘅。就係一個拎電話影相嘅過程，已經可以見到啲油順住皮膚紋理滑咗出去。一抹開係咁嘅。推推推開就變成咁。
所屬次序：洗臉 > 爽膚水 > 精華 > 護膚油 > 防曬 > 粉底液 > 碎粉
早晚各一次，每次用一至兩滴（夏天用少啲）。根據我響瓶蓋上面貼嘅貼紙，呢一支已經係上年六月嘅時候開嘅，依家八月就黎用完啦（呢支係人生第二支），好襟用呢。
就算果時想向日本買，我地都搵左好多間百貨公司，唔係間間有賣。專門店又唔係度度有。反而有次去台灣，見到藥妝店有賣（！！），但果時因為未用曬，所以無買到。而家用曬Q10後既入手方式係，經亞馬遜日本團購番黎！ ¥3080/30ml (~HKD226.13)～足足可以用足成年有多，除翻開12個月都係HKD18.84一個月。HKTVmall有平行進口貨（水貨）HKD205/30ml。
如果想要，我哋可以一齊向日本團購返黎！In Japan, we trust!
上一round用完Q10，其實發現HABA仲有一隻年輕版嘅SQUA，無Q10 version嘅HABA Squalane，於是買左支試用裝來try try。可惜總係感覺滋潤效果冇Q10咁好，可能我已經係熟齡皮膚，用唔番年青版lu（攤手）～HKTVmall有平行進口貨（水貨）HKD183/30ml。
2021年7月
staycation住開sogo樓上嘅sheraton，然後出入係咁經過SOGO，所以響感謝祭忍唔住入咗坑。2枝180ml G-lotion ($438)，1枝Q10，1枝Squalane II ($208)。
