屋企人未必會有星展戶口去收政府一萬蚊㗎嘛。但係用銀行戶口申請又真係最方便快捷嘅，所以求其啦，就用咗中銀，抽中抽唔中都好啦。
其實中銀個介面又真係幾方便快捷，一登入網上銀行之後右上角就已經有個政府一萬蚊嘅logo，撳咗入去之後揀返銀行戶口主人嘅電話號碼，在滾完條款細則，下一部，確定，完工。非常適合唔想用腦，但又想攞錢嘅人。
中銀抽獎玩法
$100,000 (1位幸運兒)
$50,000 (1位幸運兒)
$30,000 (1位幸運兒)
$10,000 (12位幸運兒)
如果響第一輪抽唔中嘅所有參賽者，都會自動進入下一階段。
對比起，匯豐：用手機Apps就四倍抽獎機會，文件申請就得一倍抽獎機會，玩法真係可以博大精深；Citibank，即送$68，然後再嚟抽獎（只得一位幸運兒，只要相信）⋯⋯
各花入各眼嘅，同埋都唔係人人同時有咁多唔同嘅銀行戶口可以選擇呢。但係要記住，唔需要用腦嘅方法，就等於有好多人同你競爭，煲大個抽獎人數嘅分母（應該係掛）。
相關閱讀推薦：老生常談之開源篇 – 出糧戶口篇