上回提要，九龍香格里拉推出左一個兩日一夜Staycation Offer，我哋膽粗粗走咗去嘆左個短程旅遊！
同以往一樣，我哋計到盡，用盡左一切辦法，用最低既價錢，將利潤最大化！內容大致會分為，(1)本身計劃可以享有嘅福利，(2)同埋Amex送既酒店翡翠會籍(Golden Circle Jade member @ Amex 細頭卡)可供疊加嘅着數。
1。房型 – 180度維港海景房 – Jade
2。Amenity – Jade
3。早餐 – Jade
1。房型 – 180度維港海景房 – Jade
Concierge同事開口埋口都話我哋係尊貴嘅Golden Circle 翡翠級會員Jade member（Amex細頭贈送的），所以酒店將我地既房型升等。由豪華房（42平方米）直升兩個grades > 豪華半海景房 > 豪華閣海景房（45平方米）。呢個豪華閣海景房，我稱之為「180度維港海景房」。
個茶几上邊仲擺放左一個望遠鏡
可惜當日係打風嘅日子，當觀望一下天有不測之風雲，其實大部份時間都係兩個人望住個海景chill住黎發吽豆。
感嘆：其實香港都有好多大廈可以望到維港海景喎
秒打面：但想買海景樓嘅人比呢啲大廈嘅數量更多
仲可以第一線直擊打風嘅海面，1秒起霧1秒好天。
房間內部去圖：
飲料吧裏面有送嘅兩支水，唔好拎錯隔離果枝要俾錢嘅貴價水（$65）。仲有三粒咖啡膠囊。
小雪櫃，我哋要雪住啲酒店送嘅Amenity
好可愛嘅logo，叫你唔好喺度掛衣架呀
風筒響房間裏便嘅櫃桶內
2。Amenity – Jade
翡翠級會員（！）送任揀三款小食。新鮮水果、曲奇和牛奶、啤酒、氣泡礦泉水、冇氣泡礦泉水、朱古力、杯裝面、可口可樂、健怡可樂、當地/時令食品。
酒店員工提醒我哋，本身間房已經有送新鮮水果（後來先知係兩隻青蘋果），係豪華閣海景房獨有，所以建議我哋唔需要選擇新鮮水果。但兩隻小蘋果當晚成七點幾先拎入嚟，我諗佢真係收得太多客，做唔切。
曲奇和牛奶；長方形盒裝牛奶已經送咗去小雪櫃；小插曲：曲奇加牛奶，由於staycation客人人數眾多，曲奇焗唔切。如果急要，就換另一隻曲奇俾我哋，嗚呀，冇咗米芝蓮既曲奇（好似係）。
我哋仲揀咗啤酒，點知啤酒係會連杏仁送上嚟，爽歪歪！直接開埋嚟for晚餐飲，慳返晚餐嘅飲品。傳送門飛去$1000 Hotel Credit豐盛晚餐。
3。早餐 – Jade
翡翠級會員會送早餐呀！早餐可以去21樓豪華閣 （6:30到11點）睇住海景食早餐。雖然一早已經有同事提醒我哋，星期日早上會比較多人，所以21樓有可能會full，我哋仍然係按照我哋自己嘅生理時鐘，施施然慢慢行上去，想當然係full咗啦。
然後就有專人帶搭lift落樓下嘅Angelini食早餐。lift嘅地氈好可愛，應該係按照星期幾黎更換。
包點、熱食、沙律都可以響自助吧度自取。另外在派發一人一張早餐菜單，自己再嗌主菜，應該唔係計人頭，因為小寶嗌左兩份。
Angelini質素非常高，煙三文魚唔咸好creamy，獨立茄汁瓶。
先來杯給卡布其諾同包點。
鱈魚西京燒超好味！鱈魚嘅香味、油香，配上略嫌硬一點嘅珍珠米，呢個廚房非常OK！
但我哋嘅人生果然係⋯⋯廚房係唔贊得㗎，小寶叫咗個叉燒奄烈，擺盤靚靚，但叉極入邊冇叉燒⋯⋯sosad。
由於叉燒奄烈滑鐵盧， 小寶再追加一個五星級廚房的五香肉丁公仔麵（攤手）。
如果食得落，其實可以再嗌。然後由10點食到11點應該都可以慳返個午餐。
*******************************