大圍環境影響下，等我都寫番篇圖文並茂既BNO renewal文章先。話就話係圖文並茂，其實係圖片多過文字⋯⋯咦，唔係喎寫寫吓都寫咗好多字，哈哈哈。相比起坊間嘅教學文，呢一篇比較似係我續證時嘅心路歷程。唯有當係一篇超詳盡嘅FAQ啦。
無論係過期BNO定係唔見左舊BNO，只要你係曾經申請過BNO都可以申請renew！話都無咁快！得左！事不宜遲我哋去片⋯⋯
BNO Renewal 全系列
[有教無類] BNO 續證 深度教學文 – 填表篇
[有教無類] BNO 續證 深度教學文 – 準備文件篇
[有教無類] BNO 續證 深度教學文 – 加簽/副簽(countersign)篇
[有教無類] BNO 續證 深度教學文 – 寄件篇
20200530補充
因為2019年4月啱啱先轉制度嘅緣故，所以我交實體相片嘅做法係跟返再以前嘅要求，當然我係嚴重穩陣派啦。但又咁講，我嗰陣時交完兩張實體相片之後，佢退返嘅文件包裏邊都冇俾返D相我啦。一係佢揼左，唔通佢私下想收埋我張相咩？
加上COVID-19嘅緣故，佢會問你要唔要遲啲先申請，其他大致上嘅問題都係不變嘅。
20200705補充
原來網上見到有好多個案都係，雖然屋企人聲稱話冇申請過BNO，但係2019年都可以成功申請返！Amazing!
所以只要你係97年前向香港出世，(1)出世紙最底寫”Established”（出世時其中一位父母係香港永久性居民）（如果唔見咗出世紙，請見準備文件 – 出世紙篇，去課金拎核正副本），(2)現有身分證嘅簽發日期係97年之前，就都可以試一試身份證大法！唔好放棄呀！
2019年4月開始個系統已經更新咗，基本上佢係用啲好簡單嘅英文，畫鬼腳咁嘅道理，跟住佢嘅問題黎回答後，佢會按照你個人嘅情況去要求你提供相對應嘅文件。
首先上網填資料 傳送門
你係咪住喺英國㗎？
問個人資料嘅問題，出身年月日。
你之前有冇英國護照㗎？過期BNO都係英國護照嚟㗎。
你有冇唔見咗本Passport啊？唔見咗本舊Passport、又或者爛咗、損毁左都可以繼續申請。不過就會跳去另一個版面，好似要叫你去報失左個Passport先。
報失篇
上網填番啲個人資料，Online system 揀lost at hm，之後收到email個ref no.就搞掂。如果俾人偷左本舊Passport，就要去攞報案紙。
本護照冇穿冇爛嗎？
如果你嘅舊護照係你手上嘅，上面又有乖乖誠實作答，應該就會出到呢一個問題㗎啦。睇返本舊護照上邊填寫返發出日期。如果上面幾條問題填左唔見咗本舊護照，咁我相信呢條問題就唔會出現啦。
Issuing authority篇：
問題會問你本舊護照係響邊度issue嘅: UKPA, UKPS, IPS or HMPO; or Others
有個案嘅舊護照係issued by 「British consulate Hong Kong」
建議選Others
呢一條其實都唔知佢問緊。之但係我嘅人生呢，就剩係得出世紙、身分證、特區護照、同石器時代嘅過期BNO嘅啫，咁所以呢條我填「冇」。
你有冇其他國家發出嘅護照啊，特區護照都計㗎，所以要答「有」。
出到呢條問題呢就差唔多到終點㗎啦。正常拎到BNO呢，你出世地方都應該係香港。
我諗我第一次試嘅時候應該唔覺意答錯咗Naturalization or registration certificate 歸化文件呢題。定係嗰陣時我當左出世紙係，所以我用咗出世紙嘅資料嚟答呢？
至於父母嘅個人資料，我勉強都仲答到嘅，但佢哋嘅結婚日期，本人都答唔出。唔緊，要誠實地回答「唔知道」」I don’t know」。好似聽到有朋友cake住咗響搵唔到提供父母嘅結婚證明文件。車，我答I don’t know又乜都冇比添啦。咪都得左
然後系統會好鍥而不捨咁再問你祖父母嘅個人資料，sorry，我對個系統嘅要求愛莫能助，我全部都係答I don’t know。都唔緊要架～我哋睇結果嘅，因為我嘅申請係一take pass。
搞完你嘅祖父母呢，就要係時候課金啦。我嗰陣時揀咗本薄薄地嘅86英鎊再加佢回郵嘅運費19.86英鎊。我係睇返信用卡嘅過數紀錄， 當時~HKD1065.74。嗰時我仲用咗DBS黑咭去順便儲埋分。咩姐，咁我都叫洗咗錢呀嘛。可以碌卡嘅時候就唔好用現金。
入晒資料之後呢，就會彈一條Link出嚟，你要二揀一，你響英國申請定係響英國以外地方申請。得一次機會嘅啫，揀左就冇得返轉頭嘅。突然比句咁樣嘅提示嚇死我，諗咗好耐先至夠膽禁落去，其實真係冇嘢好煩惱。
要煩都係要去準備你嘅文件啦。
跟住就可以去下一個步驟。如果有需要叫你加簽或者副簽，咁就自己睇教學，如果唔係你就已經ready to go。直接去寄件篇啦。