Securities settlement instruction (SI)
上回提要，要玩股票轉倉([證券戶口] 銀行戶口實太多，證券戶口整合無難度)。幾經辛苦，終於開到對家既securities account啦，香港地做野咁慢點得架。雖然星期五我想放晒啲股票，但由於買賣需要攞pre approval，所以完全放唔到，咁冇辦法唯有照做射倉。今日schedule係去中銀同渣打，搞掂射倉手續。
首先落中銀分行，唔駛排counter，要拎飛，等勁耐，所以拎完飛就走去渣打整左先。
事前準備，需帶同對家證券行之資料：
經紀名稱；經紀代號；聯絡人姓名；電話；交收日期。
然後走左去渣行分行，唔駛排counter 。渣打分行同事填妥「股票服務存倉轉移通知書」，分行哥哥仲好好人，幫我填埋對家既表格。遞交表格後需要三個工作天，所以mark 28/5 as settlement date。兩間行一交一收，需要寫同一個settlement date。

過返中銀，又係做返同一堆手續。分行同事幫手填張「證券提、存、轉移指示」，不過唔多helpful，叫我自己對、自己搵資料比佢。
等settlement date之後，射曬倉，要再落分行取消返兩家銀行嘅securities accounts。完。
5 月27號補充：兩間銀行分別打電話黎提我入返啲錢落去銀行用作射倉交收嘅費用。
5月30號補充：最後一批股票已經響29號過帳，今日去兩間銀行分別填份表格就可以成功關閉證券戶口。